शेअर मार्केट मधून पैसे कसे कमवायचे?

2020 पासून प्रत्येकाच्या मनात एकच गोष्ट येते की, मी शेअर मार्केट मधून पैसा कसा कमवू शकतो. पण सगळ्यात मोठी अडचण म्हणजे शेअर मार्केट बद्दलची अपुरी माहिती.आणि तीच अपुरी माहिती ट्रेडिंग करणाऱ्याला धोकादायक ठरते.

अपुऱ्या माहितीमुळे बरेच जण शेअर मार्केटमध्ये पैसे गमावतात, दहा पैकी आठ म्हणले तरी चालेल. त्यासाठी अगोदर शेअर मार्केट बद्दल परिपूर्ण आणि अचूक माहिती किंवा नॉलेज असणे खूप महत्त्वाचे आहे. शेअर मार्केट म्हणजे फक्त शेअर्स खरेदी करणे आणि विकणे एवढेच नाही.

जर तुम्हाला शेअर मार्केटमध्ये कंटिन्यू नफा मिळवायचा असेल तर प्रत्येक शेअरची पूर्ण माहिती घेणे आवश्यक आहे. सगळ्यात पहिला नियम म्हणजे संयम.आपण आपल्या भावनांवर संयम ठेवला पाहिजे, तरच शेअर मार्केट मधून आपण नियमित आणि चांगला पैसा कमवू शकतो.

1. शेअर मार्केट मधून पैसे कसे कमवायचे ?

शेअर मार्केट मधून पैसे कमवण्यासाठी सर्वात पहिले तुम्हाला कुठल्याही ब्रोकर कडून डिमॅट अकाउंट उघडावे लागेल मग त्या डिमॅट अकाउंट मध्ये काही फंड ऍड करावे  लागतील आणि त्याच्यानंतर तुम्ही शेअर मार्केटमध्ये शेअर्स खरेदी आणि विक्री करून पैसे कमवू शकतात.

आता आपण बघूया आपण कोणत्या कोणत्या पद्धतीने शेअर मार्केट मधून पैसा कमावू शकतो.

1. शेअर मार्केटमध्ये शेअर्स खरेदी आणि विक्री करून
2. इंट्राडे ट्रेडिंग करून
3. ऑप्शन ट्रेडिंग करून
4. लाभांश देणाऱ्या कंपन्यांमध्ये इन्वेस्ट करून
5. पोर्टफोलिओ मध्ये विविधता आणून
6. लॉन्ग टर्म इन्वेस्टमेंट करून
7. एसआयपी करून शेअर मार्केट मधून पैसा कमावू शकतो.
8. आयपीओ मध्ये पैसे  गुंतवून

शेअर मार्केट मधून पैसे कमावण्याच्या सर्व मार्गांबद्दल एक एक करून जाणून घेऊया-

1. शेअर बाजारात शेअर्स खरेदी आणि विक्री करून 

कमी किमतीत शेअर्स खरेदी करून ते जास्त किमतीत विक्री करणं हा गुंतवणूकदारांना सर्वात सोपा मार्ग आहे पैसे कमावण्याचा पण यासाठी त्यांना शेअर मार्केट हालचालीवर लक्ष ठेवावे लागते.शेअर मार्केट हे कधी खूप पडते तर कधी खूप वरती जाते तर जेव्हा शेअर मार्केट पडते म्हणजे जेव्हा घसरण होते तेव्हा कमाईची चांगली संधी असते कारण यावेळी मजबूत कंपन्यांचे शेअर्स स्वस्त दरात उपलब्ध असतात.

बाजाराच्या घसरणीच्या वेळी सेंसेक्स आणि निफ्टी-फिफ्टी यामध्ये सर्वोच्च कंपन्यांमध्ये गुंतवणूक केल्यास काही काळानंतर तुम्हाला चांगला नफा मिळू शकतो.

2. इंट्राडे ट्रेडिंग करून

इंट्राडे ट्रेडिंग म्हणजे एकाच दिवशी खरेदी आणि विक्री. तुम्ही इंट्राडे ट्रेडिंग करून शेअर मार्केट मधून पैसा कमावू शकता पण यामध्ये जोखीम जास्त असते कारण त्याच दिवशी शेअरची किंमत वाढली नाही तर तुम्हाला नुकसान होऊ शकते .

इंट्राडे ट्रेडिंग मध्ये एक विशिष्ट गोष्ट अशी आहे की तुम्हाला मार्जिन मिळते म्हणजे तुम्ही तुमच्याकडे असलेल्या पैशांपेक्षा कितीतरी पटीने जास्त शेअर्स खरेदी करू शकतात पण त्याची व्हॅलिडीटी फक्त एकच दिवसासाठी असतील. त्यामुळे इंट्राडे ट्रेडिंग हे थोडे रिस्की असते यासाठी तुम्हाला या ट्रेडिंग बद्दल माहिती घ्यावी लागेल.

3. ऑप्शन ट्रेडिंग करून

ऑप्शन ट्रेडिंग मध्ये तुम्ही कमी पैशात जास्त शेअर्स खरेदी करू शकतात ऑप्शन ट्रेडिंग हा पण लवकरात लवकर शेअर मार्केट मधून पैसे कमावण्याचा मार्ग आहे.

यामध्ये तुम्हाला कॉल आणि पुट ऑप्शन खरेदी करावे लागते जर तुम्हाला वाटत असेल की मार्केट वर जाईल तर तुम्ही कॉल ऑप्शन खरेदी करू शकता ज्याने तुम्हाला प्रॉफिट मिळेल, तसेच जर तुम्हाला वाटले की आज मार्केट पडणार आहे तर तुम्ही पुट ऑप्शन खरेदी करू शकतात आणि मार्केट पडले तर तुम्हाला त्याचा नफा मिळू शकतो.

पण ऑप्शन ट्रेडिंग वाटते तेवढे सोपे नाही. ऑप्शन ट्रेडिंग मध्ये तुम्ही काही तासात किंवा मिनिटात नव्हे तर  तर काही सेकंदात हजारो किंवा लाखोंचा नफा आणि तोटा करू शकतात.

ऑप्शन ट्रेडिंग मध्ये लॉट साईज नुसार शेअर्स खरेदी करावे लागते. दुरून सोपी वाटणारी तसेच काही सेकंदात प्रॉफिट मिळवणारी ही ऑप्शन ट्रेडिंग तेवढीच रिस्की पण असते कारण तुमच्या अकाउंट मधला पैसा सेकंदात ती झिरो करू शकते यासाठी तुम्हाला ऑप्शन ट्रेडिंग बद्दल नॉलेज असणं खूप महत्त्वाचे आहे याशिवाय तुम्ही ऑप्शन ट्रेडिंग मध्ये जाऊ नका.

4. लाभांश ( डीविडंट ) देणाऱ्या कंपन्यांमध्ये इन्वेस्ट करून

काही चांगल्या कंपन्या वर्षातून एकदा किंवा दोनदा गुंतवणूकदारांना डिव्हीडंट देतात म्हणजेच लाभांश. गुंतवणूकदारांनी जेवढे शेअर्स त्या कंपन्यांमध्ये  खरेदी केले असतील त्याप्रमाणे त्यांना डिव्हीडंट मिळतो आणि त्या डिव्हीडंट मधून कमाई होते.

असे शेअर्स लॉंग टर्म साठी ठेवल्या त्यातून चांगला परतावाही मिळतो आणि डिव्हीडंट चा लाभ आपल्याला चांगल्या प्रकारे मिळतो. बऱ्याच ब्रोकरेज कंपन्या लाभांश पुनर्गुंतवणूक योजना ऑफर करतात जे स्वयंचलित पुनर गुंतवणूक करण्यास परवानगी देतात आणि तुमच्या पोर्टफोलिओच्या वाढीची क्षमता वाढवतात.

5. पोर्टफोलिओ मध्ये विविधता आणून 

एकच कंपनीचे शेअर्स तुम्ही घेतले आणि ती कंपनी किंवा शेअर पडली तर तुमचा पोर्टफोलिओ बिघडू शकतो त्यामुळे विविध करण करणे खूप महत्त्वाचे आहे.विविध कारणामुळे कोणत्याही विशिष्ट कंपनीच्या खराब कामगिरीचा प्रभाव कमी होतो आणि संभाव्य पणे तुमचा एकूण पोर्टफोलिओ परतावा वाढू शकतो तुमची गुंतवणूक विविध क्षेत्रांमध्ये, उद्योगांमध्ये आणि मालमत्ता वर्गामध्ये पसरवून तुम्ही एका स्टॉक किंवा क्षेत्राशी संबंधित जोखीम कमी करतात.

6. लॉन्ग टर्म इन्व्हेस्टमेंट करून

लॉंग टर्म इन्व्हेस्टमेंट म्हणजेच दीर्घकालीन गुंतवणूक. हा शेअर मार्केट मधील पैसे कमावण्याचा सर्वात लोकप्रिय मार्ग आहे. जगातील  सर्व यशस्वी गुंतवणूकदारांनी दीर्घकालीन गुंतवणूक करूनच पैसे कमावले आहेत.

उदाहरणार्थ वॉरन बफे,  राकेश झुनझुनवाला,  आणि विजय केडिया.

वॉरन बफे यांनी त्यांच्या  बारा वर्षाच्या सुरुवातीला इन्व्हेस्टमेंट करायला सुरू केलं होतं मग त्यांना त्यांच्या पन्नास वर्षांनंतर गुंतवणुकीतून 80% नफा मिळाला. म्हणूनच दीर्घकालीन गुंतवणूक लवकरात लवकर करून तुम्ही त्याचे अधिकाधिक नफा मिळवू शकतात.

7. एस आय पी करून शेअर मार्केट मधून पैसा कमवू शकतो.

एस आय पी म्हणजे सिस्टिमॅटिक इन्व्हेस्टमेंट प्लॅन. यामध्ये तुम्हाला दर आठवड्याला किंवा दर महिन्याला थोडे थोडे पैसे गुंतवावे लागतात ज्यामुळे तुम्हाला दीर्घकालीन फायदा मिळतो. खूप सारे असे म्युचल फंड आहे की ज्यामध्ये तुम्ही एसआयपी करू शकता. आणि तुम्हाला हवे असल्यास तुम्ही कोणत्याही विशिष्ट मध्ये करू शकता. सर्वात मोठा फायदा हा आहे की तुमचे पैसे शेअर मार्केटमध्ये नेमक पणे गुंतवले जातात चक्रवाढीच्या माध्यमातून तुम्हाला प्रचंड करताना मिळतो.

8. आयपीओ मध्ये पैसे  गुंतवून

आयपीएल म्हणजे इनिशियल पब्लिक ऑफरिंग. जर तुम्ही योग्य कंपनीच्या आयपीओ मध्ये गुंतवणूक केले तर तुम्ही अल्पमुदतीत नफा आणि दीर्घ मुदतीत परताव्याच्या पटीत कमावू शकतात. बिगेनर्स ट्रेडर्स साठी आयपीओ हा सर्वोत्तम मार्ग आहे.

2. एक चांगला आणि प्रॉफिटेबल ट्रेडर बनण्यासाठी काय करायला पाहिजे ?

शेअर मार्केट हा एक पैशाचा समुद्र आहे पण त्या समुद्रातून पैसे काढणे एवढे सोपे नाही आज जर तुम्ही प्रॉफिट केले असेल तर उद्या शेअर मार्केट त्याच्यापेक्षा डबल तुमच्याच करणं पैसे वसूल करेल यासाठी शेअर मार्केट बद्दल माहिती तसेच विविध स्ट्रॅटेजी आणि तुमची सायकॉलॉजी खूप महत्त्वाची आहे तर प्रॉफिटेबल ट्रेडर बनण्यासाठी खाली काही मुद्दे दिलेले आहेत.

1. स्वतःला शिक्षित करा:

शेअर मार्केटमध्ये उतरण्यापूर्वी तुम्हाला गुंतवणुकीच्या मूलभूत गोष्टींबद्दल सखोल ज्ञान असणे आवश्यक आहे. तसेच स्टॉक, bond ,म्युचल फंड आणि बाजार निर्देशांक यासारख्या संकल्पना जाणून घ्या. तुम्हाला मूलभूत आणि तांत्रिक विश्लेषण शिकणे महत्त्वाचे आहे तसेच जोखीम व्यवस्थापन हे जाणून घ्या.

2. आर्थिक उद्दिष्टे सेट करा:

तुम्हाला गुंतवणूक करण्या अगोदर तुमची आर्थिक उद्दिष्टे काय आहेत हे माहिती असणे महत्त्वाचे आहे. स्पष्ट उद्दिष्टे असल्यास तुम्हाला तुमच्या गुंतवणुकीचे क्षितिज आणि जोखीम सहनशीलता ठरवण्यात मदत होईल.

3. चांगली गुंतवणूक योजना असावी.

तुमच्या गुंतवणूक आणि तुमची आर्थिक उद्दिष्ट यावर एक गुंतवणूक योजना विकसित करा. तुम्हाला वैयक्तिक स्टॉक ,म्युचल फंड, एक्सचेंज ट्रेडर फंड यापैकी कुठल्या संयोजनात गुंतवणूक करायची आहे याचा विचार करा.

4. संशोधन आणि विश्लेषण

कोणतेही गुंतवणूक करताना त्या कंपनीबद्दल संशोधन करणे हे खूप महत्त्वाचे आहे तर कंपनीची संशोधन तुम्ही कंपनीची आर्थिक आरोग्य, कमाईची क्षमता,स्पर्धात्मक कायदा आणि व्यवस्थापन संघाचे मूल्यांकन अशा प्रकारे मूलभूत विश्लेषण करा.त्याचबरोबर  कोणत्याही ट्रेड मध्ये प्रवेश आणि निर्गमन बिंदू म्हणजेच एक्झिट पॉईंट ओळखण्यासाठी किंमत  ट्रेड, चार्ट आणि निर्देशकांचा अभ्यास करण्यासाठी तांत्रिक विश्लेषण वापरा.

5. जोखीम व्यवस्थापनाचा सराव करा

तुमच्या भांडवलाच्या रक्षणासाठी एक जोखीम व्यवस्थापन असणे खूप महत्त्वाचे आहे .वैयक्तिक गुंतवणूक वरील संभाव्य नुकसान वाचवण्यासाठी स्टॉप लॉस ऑर्डर सेट करा.

6. माहितीत रहा 

तुम्हाला जर प्रॉफिटेबल ट्रेडर  बनायचे असेल तर तुम्हाला शेअर मार्केट मध्ये नेहमी अपडेट राहणे खूप महत्त्वाचे आहे.यासाठी तुम्हाला बाजारातील ट्रेंड, आर्थिक निर्देशांक तसेच गुंतवणूक की वर परिणाम करणाऱ्या बातम्यांवर नेहमी लक्षात ठेवावे लागेल. कंपनीचे अहवाल वाचावे लागतील आणि बाजारातील घडामोडींचा मागवा घ्यावा लागेल. तसेच तुमचे ज्ञान वाढवण्यासाठी सेमिनार , वेबिनार किंवा कार्यशाळा यामध्ये सहभागी व्हावे लागेल.

7. संयम आणि शिस्त

वर सांगितल्याप्रमाणे शेअर मार्केटमध्ये टिकण्यासाठी तुम्हाला संयम आणि शिस्त असणे खूप महत्त्वाचे आहे अल्पकालीन बाजारातील चढ-उतारांवर आधारित  आवक पूर्ण  निर्णय घेणे टाळा. तुमच्या गुंतवणूक योजनेला चिकटून  रहा.

8. व्यवसायिक मार्गदर्शनाचा विचार करा

तुम्हाला तुमचे गुंतवणुकीचे संशोधन आणि व्यवस्थापन करण्यासाठी सर्व नसेल तर व्यावसायिक सल्ला घेण्याचा विचार करा .आर्थिक सल्लागार तुमची गुंतवणूक आणि आर्थिक उद्दिष्ट तसेच जोखीम व्यवस्थापन या सगळ्या गोष्टींचा विचार करून तुम्हाला वैयक्तिक कृती मार्गदर्शन करतो.

9. नियमितपणे निरीक्षण आणि पुनरावलोकन करा

तुमच्या गुंतवणुकीवर नजर ठेवा आणि तुमच्या पोटफोलीच्या कामगिरीचा नियमितपणे आढावा घ्या. जागृत रहा आणि आवश्यक तेव्हा माहिती पूर्ण निर्णय घेण्यासाठी तयार रहा.

ही सर्व माहिती अतिशय आकर्षक वाटते, पण लेखाच्या सुरुवातीला म्हटल्याप्रमाणे, योग्य गुंतवणुकीसाठी, योग्य समज आणि माहिती असणे आवश्यक आहे, त्यासाठी तुम्ही शेअर बाजार शिकण्यावरही भर दिला पाहिजे. शेअर मार्केटमध्ये पैसे कमवण्यासाठी शेअर मार्केट कसे समजून घ्यावे ते जाणून घेऊया.

3. शेअर मार्केट कसे शिकायचे?

आजकाल काहीही नवीन शिकणे कठीण नाही, जरी योग्य व्यासपीठ निवडणे थोडे आव्हानात्मक असू शकते. शेअर बाजार जाणून घेण्यासाठी येथे काही पर्याय आहेत:आजही काही नवीन शिकायचे असेल तर पुस्तकांचा पर्याय सर्वात आधी येतो. शेअर मार्केट शिकण्यासाठी बाजारात अनेक प्रकारची पुस्तके उपलब्ध आहेत, ज्यामुळे तुम्हाला बाजारातील बारकावे, विश्लेषण आणि मानसशास्त्र समजण्यास मदत होते. त्यापैकी काही उत्कृष्ट पुस्तकांची नावे पुढीलप्रमाणे आहेत.

* मराठी मध्ये शेअर बाजार पुस्तके

• बुद्धिमान गुंतवणूकदार  (The Intelligent Investor)
• वॉरन बफेचे गुंतवणूकीचे रहस्य (Warren Buffet’s Investing Secrets)
• तांत्रिक विश्लेषण आणि कॅंडलस्टिक ओळख (Technical analysis and candlestick recognition)
• स्टॉकचे मूलभूत विश्लेषण (Fundamental analysis of the stock)
• व्यापार धोरण (Trade Policy)

* शेअर मार्केट कोर्स

तुम्हाला फक्त पुस्तकांपुरते मर्यादित राहायचे नसेल, तर तुम्ही ऑनलाइन किंवा कोर्ससाठी नोंदणी करू शकता. आजकाल शेअर मार्केटचे अनेक कोर्सेस आणि युट्युब चॅनेल आहेत ज्यावरून तुम्ही मार्केटची माहिती मिळवू शकता आणि आपल्या या ब्लॉगमध्ये म्हणजे शेअर मार्केटचे दुनिया यामध्ये शेअर मार्केट बद्दल सखोल अशी माहिती दिलेली आहे त्याचबरोबर शेअर मार्केटचा अभ्यास देखील सांगितलेला आहे.

शेअर मार्केट काम कसे करते ? how share market works?

4. शेअर मार्केटमध्ये गुंतवणूक करण्यासाठी किमान रक्कम

शेअर मार्केटमध्ये पैसे कमवायचे असतील तर आधी तुम्ही किती पैसे मार्केटमध्ये गुंतवू शकता हे ठरवणेही महत्त्वाचे आहे. अनेक वेळा गुंतवणूकदार जास्त पैसे कमावण्याच्या लोभाने विचार न करता त्यांच्या पैशाने शेअर्स खरेदी करतात आणि कर्जात बुडतात.

जर तुम्ही पहिल्यांदाच शेअर मार्केटमध्ये पैसे गुंतवत असाल तर आधी तुम्ही शेअर मार्केटमध्ये किती पैसे गुंतवू शकता ते ठरवा. येथे गुंतवलेली रक्कम सुरक्षित ठेवण्यासाठी तुमचा अतिरिक्त निधी वापरा. एकदा तुम्ही नफा मिळवण्यास सुरुवात केली की, कर्ज घेण्याऐवजी तीच रक्कम पुन्हा गुंतवणुकीसाठी वापरा.

शेअर मार्केटमध्ये जास्त पैसे कमवायचे असतील तर सुरुवातीला कमी पैसे गुंतवले पाहिजेत. शेअर मार्केटमध्ये नवीन असलेल्या कोणत्याही व्यक्तीने त्या कंपनीत जास्त काळ गुंतवणूक करू नये.

तुम्ही एक सोपी रणनीती वापरून बाजारात गुंतवणूक करण्यासाठी किती रक्कम मोजू शकता, ज्यामध्ये तुम्हाला तुमचे वय 100 वरून वजा करावे लागेल आणि शेअर बाजारात गुंतवणूक करण्यासाठी तुमच्या निव्वळ संपत्तीची ती टक्केवारी वापरावी लागेल.

उदाहरणार्थ, तुमचे वय ३० वर्षे असल्यास १०० मधून ३० वजा करा, आता तुमच्या नेटवर्थच्या ७०% सह शेअर मार्केटमध्ये गुंतवणूक करण्यास सुरुवात करा. ही रणनीती सोपी आहे परंतु त्यात जोखीम आणि इतर मापदंडांचा समावेश नाही.

5. शेअर बाजारातील नुकसान टाळण्यासाठी टिप्स

शेअर मार्केटमध्ये पैसे कमवण्यासाठी नुकसान टाळणे देखील खूप महत्वाचे आहे. जितका तोटा कमी तितका नफा जास्त. यासाठी तुम्हाला काही टिप्स फॉलो कराव्या लागतील ज्या खाली दिल्या आहेत.

1. योग्य किमतीत शेअर्स खरेदी करा: कोणत्या कंपनीचे शेअर्स विकत घ्यायचे हे ठरविल्यानंतर शेअर्स कधी खरेदी करायचे हे जाणून घेणेही खूप महत्त्वाचे असते. अशा स्थितीत लक्षात ठेवा की तुम्ही कंपनीत गुंतवणूक करत असताना, तिच्या मूल्यांकनानुसार, तिच्या शेअरची किंमत कमी किंवा जास्त आहे. यासाठी तुम्ही P/E प्रमाण इ. मोजू शकता.
2. स्टॉप लॉस स्ट्रॅटेजी वापरा: शेअर बाजार खूप अस्थिर आहे ज्यामुळे पैशाचे नुकसान होऊ शकते. हुशार गुंतवणूकदाराने नेहमी शेअर बाजाराचे गणित वापरून त्याच्या/तिच्या जोखमीच्या क्षमतेचे मूल्यांकन केले पाहिजे आणि त्यानुसार स्टॉप लॉस सेट करून मार्केटमध्ये स्थान घेतले पाहिजे. अशा परिस्थितीत, आपण सुरुवातीपासून नुकसान मर्यादित करू शकता.
3. आपल्या भावनांवर नियंत्रण ठेवा: जेव्हा पैसा कमावण्याचा प्रश्न येतो तेव्हा आपण हुशारीने आणि विवेकबुद्धीने गुंतवणूक केली पाहिजे. अनेकवेळा आपण भावनांच्या जोरावर नुकसान करतो. त्यामुळे एखादी कंपनी तुम्हाला वर्षानुवर्षे चांगला परतावा देत असली तरी तिचा व्यवसाय आणि नफा कमी होत असेल तर तुम्ही ती विकण्याचा निर्णय घेऊन तुमचा तोटा थांबवू शकता.
4. बातम्यांनुसार व्यापार करू नका किंवा गुंतवणूक करू नका: अनेक वेळा गुंतवणूकदार त्यांच्या ऐकलेल्या बातम्यांनुसार बाजारात त्यांची व्यापार पोझिशन घेतात आणि हे त्यांच्या नुकसानाचे कारण बनते. तुम्हाला कोणत्याही बातमीनुसार ट्रेड किंवा गुंतवणूक करायची असेल तर त्या कंपनीचे स्वतः विश्लेषण करून त्यानुसार ट्रेड पोझिशन घेणे महत्त्वाचे आहे.

6. स्टॉक गुंतवणूकदाराला पैसे कमवण्यापासून काय प्रतिबंधित करते?

• जेव्हा शेअरच्या किमती घसरतात तेव्हा बरेच गुंतवणूकदार सहजतेने बचावात्मक भूमिका स्वीकारतात. त्यांचा असा विश्वास आहे की उडी मारण्यापूर्वी किमती पुन्हा वाढण्याची वाट पाहणे अधिक सुरक्षित आहे. तथापि, हा दृष्टीकोन अल्पकालीन नफा आणि दीर्घकालीन नफा या दोन्हीमध्ये अडथळा आणू शकतो.किमती गगनाला भिडण्याची वाट पाहत राहिल्याने, तुम्हाला अधिक पैसे द्यावे लागतील आणि लक्षणीय परताव्याच्या संभाव्य संधी गमावतील.
• गुंतवणूक न करण्यामागे सर्वात सामान्यपणे उद्धृत केलेल्या औचित्यांपैकी एक म्हणजे स्टॉकची किंमत कमी होण्याची अपेक्षा.सत्य हे आहे की कोणीही समभागांच्या किमतींचा अचूक अंदाज लावू शकत नाही, त्यामुळे किमतीच्या अंदाजांवर आधारित गुंतवणूक विलंब करणे व्यर्थ ठरते. त्याऐवजी, बाजाराला वेळ देण्याचा प्रयत्न करण्याऐवजी योग्य गुंतवणूक धोरणे आणि संशोधन-समर्थित निर्णयांवर लक्ष केंद्रित करा.
• वारंवार विक्री- वारंवार विक्री करण्याच्या मोहाचा प्रतिकार करा आणि तुमचे स्टॉक स्थिरपणे वाढू द्या. वचनबद्ध आणि संयम ठेवून, तुम्ही तुमच्या गुंतवणुकीच्या खऱ्या क्षमतेचा उपयोग करू शकता.
• योग्य संशोधनाकडे दुर्लक्ष- संपूर्ण संशोधनाशिवाय स्टॉकमध्ये गुंतवणूक करणे म्हणजे होकायंत्राशिवाय प्रवास करण्यासारखे आहे. तुम्ही ज्या कंपन्यांमध्ये गुंतवणूक करत आहात, त्यांचे आर्थिक आरोग्य, स्पर्धात्मक स्थिती आणि वाढीच्या संभावनांसह त्यांचे मूलभूत तत्त्वे समजून घेणे महत्त्वाचे आहे.योग्य संशोधन केल्याने तुम्हाला माहितीपूर्ण निर्णय घेण्यासाठी आवश्यक असलेले ज्ञान मिळते आणि तुम्हाला महागड्या चुका टाळण्यास मदत होते.
• भावनांना निर्णय घेऊ देणे- भावना निर्णयावर परिणाम करू शकतात आणि गुंतवणुकीचे तर्कहीन निर्णय घेऊ शकतात. भीती आणि लोभ या सामान्य भावना आहेत ज्यांचे व्यवस्थापन करणे गुंतवणूकदारांनी शिकले पाहिजे.अल्पकालीन बाजारातील चढउतारांवर आधारित आवेगपूर्ण हालचाली करणे किंवा झुंड मानसिकतेला बळी पडणे टाळा. त्याऐवजी, ध्वनी विश्लेषण आणि दीर्घकालीन उद्दिष्टांवर आधारित शिस्तबद्ध दृष्टीकोन विकसित करा.
• विविधीकरणाचा अभाव- तुमची सर्व अंडी एका टोपलीत टाकणे ही एक धोकादायक रणनीती आहे. जोखीम कमी करण्यासाठी आणि जास्तीत जास्त परतावा मिळवण्यासाठी विविधीकरण आवश्यक आहे. तुमची गुंतवणूक विविध क्षेत्रांमध्ये, उद्योगांमध्ये आणि मालमत्ता वर्गांमध्ये पसरवा.हा दृष्टीकोन कोणत्याही एका गुंतवणुकीतील खराब कामगिरीचा प्रभाव कमी करण्यास मदत करतो आणि सुधारित एकूण पोर्टफोलिओ परताव्याची क्षमता प्रदान करतो.

या सामान्य चुकांची जाणीव ठेवून आणि त्या टाळून, तुम्ही स्वत:ला शेअर बाजारातील यशस्वी गुंतवणुकीच्या मार्गावर सेट करू शकता. लक्षात ठेवा, संयम, शिस्त, संशोधन आणि दीर्घकालीन दृष्टीकोन हे तुमच्या गुंतवणुकीची पूर्ण नफा क्षमता अनलॉक करण्यासाठी महत्त्वाचे आहेत.

निष्कर्ष

शेअर मार्केटमध्ये पैसे कसे कमवायचे हे वरील लेखावरून स्पष्ट होते. दीर्घकालीन गुंतवणुकीसाठी, तुम्हाला मजबूत मूलभूत तत्त्वे असलेल्या कंपन्यांमध्ये गुंतवणूक करावी लागेल. शेअर बाजाराला सट्टेबाजार समजण्याऐवजी व्यवसाय समजून त्यात गुंतवणूक करावी. स्टॉक मार्केटमध्ये गुंतवणूक करताना, स्मार्ट असणे आणि शहाणपणाने निर्णय घेणे महत्त्वाचे आहे. तुमचे यश कमी करू शकतील अशा सामान्य अडचणी टाळा.

पैसे मिळविण्यासाठी तोटा कसा मर्यादित ठेवायचा हे जाणून घेणे देखील खूप महत्वाचे आहे आणि यासह आपल्या व्यापाराचा किंवा गुंतवणुकीचा कालावधी निश्चित करून स्टॉकची निवड करणे आणि त्यात गुंतवणूक करणे सर्वात महत्वाचे आहे. भविष्याचा अंदाज लावण्याचा प्रयत्न करणे किंवा बाजाराला वेळ देणे हा एक धोकादायक खेळ आहे. त्याऐवजी, आपले संशोधन करण्यावर आणि माहितीपूर्ण निवडी करण्यावर लक्ष केंद्रित करा. गर्दीने भारावून जाऊ नका किंवा नवीनतम ट्रेंडचे आंधळेपणाने अनुसरण करू नका.

जोखीम कमी करण्यासाठी तुमच्या गुंतवणुकीत विविधता आणा आणि तुमच्या आर्थिक परिस्थितीशी जुळणारी वास्तववादी उद्दिष्टे सेट करा. बाजारातील चढउतारांदरम्यान शांत राहा आणि लक्षात ठेवा की संयम आणि शिस्त दीर्घकाळात परिणाम देते. तुमच्या शेअर बाजारातील प्रवासाचा जास्तीत जास्त फायदा घेण्यासाठी शिकत राहा आणि माहिती मिळवा.

या चरणांचे अनुसरण करून शेअर बाजारात दीर्घकालीन संपत्ती मिळवता येते.

मोफत डिमॅट खाते उघडण्यासाठी खाली दिलेल्या लिंक वर क्लिक करा.

https://invite.dhan.co/?invite=UNUUT00570

 प्रश्न उत्तरे | FAQ

1. शेअर मार्केटमधून पैसे कमावण्याच्या सर्वोत्तम रणनीती काय आहेत?

उत्तर :- सर्वोत्तम धोरणांमध्ये तुमच्या पोर्टफोलिओमध्ये विविधता आणणे, सखोल संशोधन करणे, शिस्तबद्ध दृष्टिकोनाचा अवलंब करणे आणि दीर्घकालीन गुंतवणुकीच्या उद्दिष्टांचा विचार करणे समाविष्ट आहे.

२. नवशिक्या शेअर मार्केटमधून पैसे कसे मिळवू शकतात?

उत्तर :- नवशिक्या स्वतःला शेअर मार्केटच्या मूलभूत गोष्टींबद्दल शिक्षित करून, तज्ञांकडून मार्गदर्शन मिळवून, ब्रोकरेज खाते उघडून आणि लहान, चांगल्या प्रकारे संशोधन केलेल्या गुंतवणुकीपासून सुरुवात करू शकतात.

३. शेअर मार्केटमधून पैसे कमवण्याचा प्रयत्न करताना कोणत्या प्रमुख चुका टाळायच्या आहेत?

उत्तर :- सामान्य चुकांमध्ये भावनिक निर्णय घेणे, हॉट टिप्सचा पाठलाग करणे, विविधीकरणाचा अभाव, बाजारातील वेळ आणि चांगल्या प्रकारे परिभाषित गुंतवणूक योजना नसणे यांचा समावेश होतो.

४. लाभांश गुंतवणूक कशी कार्य करते आणि ते उत्पन्नाचे विश्वसनीय स्त्रोत असू शकते?

उत्तर :- लाभांश गुंतवणुकीत कंपन्यांचे स्टॉक खरेदी करणे समाविष्ट आहे जे त्यांच्या कमाईचा एक भाग लाभांश म्हणून वितरित करतात. तो उत्पन्नाचा एक विश्वासार्ह स्रोत असू शकतो, विशेषत: स्थिर, लाभांश देणाऱ्या कंपन्यांमध्ये गुंतवणूक करताना.

५. पैसे कमावण्‍यासाठी समभाग निवडताना कोणते प्रमुख घटक विचारात घेतले पाहिजेत?

उत्तर :- मुख्य घटकांमध्ये कंपनीचे आर्थिक आरोग्य, वाढीची क्षमता, उद्योग कल, व्यवस्थापन संघ, स्पर्धात्मक फायदे आणि मूल्यांकन मेट्रिक्सचे मूल्यांकन करणे समाविष्ट आहे.